Kurd 1 kanaleke televîzyona satelîtî ya bi zimanê kurdî, serbixwe ye û ji Parîsê weşanê dike. Bernameyên çandî û perwerdeyî belav dike. Bi belavkirina bernameyên agahdarî, çandî û şahîyan, bersiva pêdivîyên kurdên Rojhilata Navîn û kurdên li Ewropayê bide. Piştgiriya entegrekirina ji milyonekê bêtir kurdên ku li welatên Yekîtiya Ewropayê dijîn bike û hêjajiyên demokratîk ên Ewropayê bi wan bide nasîn. Hot Bird 8 at 13.0°E | 12245 H

KNN Channel televizyoneke kurdî ye ku ji başûrê Kurdistanê weşana xwe dikê. KNN Channel televizyoneke nezîkî Noşîrwan Mistefa ye û wê giranî bidê nûçe û agahiyan. Navenda televizyonê li Silêmanîyê ye. Eutelsat W6 at 21.6°E | 11669 H, Hot Bird 8 at 13.0°E | 12476 H, Atlantic Bird 4 at 7.2°W | 10892 H

Kurdistan TV | www.kurdistantv.net | Zindî |  Galaxy 19 at 97.0°W 12177 V, Atlantic Bird 4 at 7.2°W 10873 V, Hot Bird 6 at 13.0°E  11013 H, Eutelsat W2 at 16.0°E 11192 H

Kurdistan TV (anku KTV yan Televizyona Kurdistanê) televizyoneka asmanî ya kurdistanî ye, yekemîn televizyona asmanî ye ko ji axa azada welat ji başûrê Kurdistanê weşanê dike û yekemîn weşana xwe di 17'ê rêbendanê sala 1999ê de dest pê kiriye. KTV dikare bi rêya satelîtê li seranserî cîhanê bêt temaşekirin. KTVyê bi pirranî bi zimanê kurdî ye. Ew herdu zaravayên serekî yên kurdî - kurmancî û soranî ye herweha jî bi zimanên erebî, ingilîzî, farsî, tirkî, siryanî û turkmenî jî bernameyên xwe pêşkêş kirine. Hinek program bi van zimanan ko niha pêwîst nayêne dîtin, hatine rawestandin.

Kurdsat TV | www.kurdsat.tv | Zindî | Galaxy 19 at 97.0°W 11966 H, Express A4 at 14.0°W 11528 V, Hot Bird 8 at 13.0°E 12207 H

Kurdsat televîzyoneke kurdî ya ezmanî ye. Di 1'ê rêbendanê sala 2000an dest bi weşanê kir. Ji Başûrê Kurdistanê rojane 24 saetan weşanê dike û navenda wê li bajarê Silêmaniyê ye. Zimanê sereke ya kenalê kurdî ye her wiha bi zimanên erebî, farsî, inglîzî û tirkî jî bernameyan pêşkêş dike. Kurdsat kenalekî nêzîkê YNKê ye. Slogana Kurdsatê "Kurdsat dengî hemûane – Kurdsat rengî kurdane" ye.

Mesopotamia Music Channel mmc | www.mmc.tv | Zindî | Amos 2 at 4.0°W 11467 H,  NILSAT 4 11355 27500 V

Mesopotamia Music Channel (mmc) yekemîn kanalê muzîkê bi kurdî ye. MMC bi hemû zaravên kurdî û ji hemû herêmên Kurdistanê muzîka kurdî diweşînê. Herwiha bi zimanên tirkî, erebî, farisî û îngilîzî jî carcaran klîp tên weşandin.

NEWROZ TV, televîzyoneka kurdî ye. NEWROZ TV di 21'ê adarê 2007'a dest bi weşana xwe kir û di barnamên xwe de bi giranî cih didê mijarên di derbarê Kurdistana rojhilat. Vê gavê NEWROZ TV li gor dema navenda Ewropa di navbera katjimêr 16 û 20 bi giranî bi herdû zaravayên kurdî kurmancî û soranî û zimanê farisî weşanê dike. Ev televîzyon nêzikî PJAKê û PKK'ê tê dîtin û navenda vê televizyonê li Stokholma Swêdê ya.

Newroz TV ji aliyê Wezareta Rewşenbîrî ya Hikûmeta Heremî Kurdistanê hate damezrandin û ji başûrê Kurdistanê ji Hewlêrê bi herdû zaravayên kurdî soranî û kurmancî weşana xwe dikê. Birêvebirê giştî yê kenala asmanî Newroz TV Azad Ergoşî ye.

Televîzyona kurdî Roj TV di sala 2004an de hat saz kirin. Bi kurdî, tirkî, erebî û farsî weşanê dike. Bi riya satelitê Roj TV li tevayê Kurdistanê, li Rojhilata Navîn, li Ewrûpayê û li Bakûrê Efrîkayê dikare were temaşe kirin. Bingeha ROJ TV li bajarê Kopenhag a Danmarkayê hatiye danîn. Kompaniyeka mediya ye û li ser bingeha pêdivîyên netewa kurd, li Kurdistan û Mêzopotamyayê hatiye damezirandin. Ev televîzyon li ser bingeha objêktîvbûn û serxwebûnê kar û xebata xwe pêş de dibe. Bernameyên ROJ TV li gor pîvanên weşana Danîmark û pîvanên Ewropayê tên çêkirin. ROJ TV di 21ê Sibatê de dest bi weşana testê û di 1ê Adara 2003an de bi resepsiyoneke vekirinê bi fermî dest bi weşanên asayî kir. Ji gulana 2004an û şûnda Roj TV di înternetê de zindî tê temaşe kirin. Prodîksiyona ROJ TV li bajarê Belçîka Denderleuw e.

ROJ TV rojane rêze bernameyan pêşkêş dike. Ji nûçeyan bigir ta bernameyên dokumanter, fîlm , şahî, çandî û yên zarokan. Ev bername bi sê zaravayên sereke yên Kurdî; Kurmancî, Soranî û Dimilkî û bi zimanên Suryanî, 'Erebî û Tirkî tên pêşkêşkirin. Mebesta sereke ya naveroka hemû bernameyan baldayîna ser pêşketina civakî ye. Profîla Temaşevanên Kurd ên ROJ TV, 40 mîlyon e ku tenê Kurdin. Ev kanal bi rêya satelaytê digehêje Kurdên li 77 welatan. ROJ TV, di heman demê de ji reklam û peyamên bazirganî re vekiriye. Her wiha di warê tenduristî, tevgera mirovanî, dîrok, şêwaza jiyanê, zanist û teknolojî, xoza, perwerde û wekî din de derfeta rêklam kirinê maqûl dibîne. Wekî din di warê sponsor kirinê jî de derfet û mecal hene.

Rojhelat TV televîzyoneke kurdî ye û ji Swêdê bi giranî bi herdû zaravayên kûrdî ên serekî kurmanciya jor û kurmanciya navendî (soranî) û bi zimanê farisî weşanê dike. Rojhelat TV kû weke yekem televîzyona Rojhilatê Kurdistanê dest bi weşanê kir, nêzîkî Komala ye û bi taybetî ji bo Rojhilatê Kurdistanê weşanê dikê.

Vîn TV kaneleke televîzyonê ye. Vîn TV ji Dihokê weşanê dikê. Naveroka Bernameyên Vîn TV bêtir stiran û klîpên kurdî ne, lê car caran bi zimanên din jî klîp tên weşandin. Weşana Vîn TV 24 seata. Vîn Tv wê sistema nû ya XD HD bikar binê, ku cara yekema li Kurdistanê ev sistem wê bê bikaranîn.

Zagros TV televizyoneke kurdî ye. Televizyona Zagrosê ku weke kanaleke herêmî weşana xwe dikir, di roja 14'ê pûşperê sala 2005an dest bi weşana xwe ya hewayî kir. Zagros TV, ji Başûrê Kurdistanê weşana xwe dike. Zagros TV di weşanên xwe de bêhtirîn birhê dide ser nûçeyên Kurdistanê û cîhanê. Herweha ew bi programên xwe yên cure cure bûye kanalek Kurdistanî ya hemerengî. Di destpêkê de Zagros TV weşana xwe ji Hewlêrê dikir, piştre wê stûdyoyên xwe li Duhok, Silêmanî û Kerkûkê jî vekir. Û bi rêya wan stûdyoyan ew herroj nûçeyên herêmî yên rojane diweşîne.